Resumaziun

Igl onn 1920 ha sur Christoffel Willi surpriu l'emprema bitgetta dalla societad da musica Vignogn e quei cun 15 musicants.

Suenter 6 onns ei il proxim pass vegnius fatgs: l'entrada ell'uniun cantunala da musica. Entochen oz havein nus astgau menar atras fiastas per 3 instrumentaziuns e 3 uniformaziuns novas. Plinavon havein nus era giu la cuida da menar atras la 10avla fiasta da musica Sursilvana igl onn 1969. Cun grond plascher ed engaschi essan nus era separticipai a fiastas da musica cantunalas sco era a fiastas da musicas sursilvanas. Igl onn 1976 essan nus separticipai alla fiasta da musica federala a Biel e 2011 alla fiasta da musica federala a S. Gagl.

Era havein nus giu 3 gadas l'honur da saver sepresentar ella televisiun, numnadamein igl onn 1978 per l'emissiun "Chum und lueg", 1990 per la "Svizra Romontscha" e 2012 tier l' emissiun digl 1. d' uost dalla televisiun Svizra.

Nies giubileum da 75 onns igl onn 1995 ei staus per nus in eveniment tut special, havein nus gie schizun aunc astgau beneventar fundaturs da nossa musica.

Empustar la cronica / Chronik bestellen